BUTUAN CITY – Gitugutan sa International Criminal Court (ICC) ang hangyo sa kampo ni kanhi Pangulong Rodrigo Duterte nga idelatar una ang pagdesisyon sa hangyong interim release niini samtang padayong nagtigom og kompletong dokumento ang iyang mga abogado.
Sa desisyon sa Pre-Trial Chamber 1, ilang gi-delay ang pagpagawas sa desisyon hangtod makita nga andam na ug tukma ang tanang requirements. Bugtong si Judge María del Socorro Flores Liera lang ang misupak sa sugyot nga gitugutan nila Judge Iulia Antoanella Motoc ug Judge Reine Adélaïde Sophie Alapini-Gansou.
Sumala sa ICC, ang mga tawo nga dunay arrest warrant adunay katungod nga mangayo og interim release, base sa Rome Statute Article 60(2).
Madumdumang niadtong Hulyo 14 ning tuiga, gibutyag sa abogado ni Duterte nga si Atty. Nicolas Kaufman nga dili pa angay magdesisyon ang ICC hangtod makompleto na ang ilang mga dokumento.
Niadto pang Hunyo, nangayo ang kampo ni Duterte og interim release sa usa ka nasud nga wala gipangalanan dayong butyag nga wala’y kondisyon ang warrant, ug dili usab hulga si Duterte, busa angayan siyang tugutan nga temporaryong buhian.
