BUTUAN CITY – Giklaro ni Eldie David, Public Relation Officer sa Butuan City Transportation and Traffic Management Department (CTTMD) nga dugay nang balaod ang pagpangdakop sa mga driver nga naka-tsinelas apan gipakusgan lang kini dinhe sa siyudad human na-aprubahan niadtong Marso 1 ang bag-ong transportation and traffic code ordinance ning siyudad.
Sumala sa opisyal nga namugna kini nga balaod tungod sa mga disgrasya nga ang hinungdan mao ang tsinelas nga nasangpit dinha sa pedal sa motor lakip na usab sa mga sakyanan.
Tungod niini, gibutyag ni David nga inanay nilang gipatuman karun ang mga probisyon sa maong ordinansa sama sa pagsoot ug tsinelas sa mga driver.
Gitubag usab sa opisyal ang pangutana kung nganung single motor lang ang madali-dali sa pagdakop.
Sigon ni David nga ang naka-single motor maoy kita kaayu kung nag-tsinelas ang drayber lakip na sa mga tricycle.
Ugaling masakpan, makabayad kini sa penalty nga 1,500 pesos sa unang kalapasan.
