BUTUAN CITY – Gihagit sa grupo sa kanhi Philippine National Police kon PNP chiefs ang Philippine Amusement Gaming Corporation kon PAGCOR nga pangalanan ang kanhi hepe nga mitabang matud pa kang dismissed Bamban, Tarlac mayor Alice Guo nga makagawas sa nasud.
Gikondena sa maong grupo nga gipangunahan nila Renato de Villa ug Edgar Aglipay ang gibuhiang pamahayag ni PAGCOR senior vice president for Security and Counter Monitoring Raul Villanueva tungod kay irresponsable matud pa kini ug nakabase lang sa unvalidated information ug tsismis.
Sigon sa mga kanhi PNP chiefs, ang maong bug-at nga akusasyon naghatag lang og ka-ulawon kanilang tanan nga nakaserbisyo sa gobyerno ug gibuhis ang kinabuhi alang sa mga Pilipino ug sa nasud sa Pilipinas. Madumdumang niadtong Septembre 17 nga hearing, gibutyag ni Villanueva nga usa ka PNP chief ang mitabang kang Guo ug anaa sa monthly payola pa sa gipalagpot nga mayor.
