BUTUAN CITY – Gimanduan sa Police Regional Office kon PRO -13 ang Cantilan Municipal Police Station at Surigao del Sur-Police Provincial Office nga magpahigayon sa lawom nga imbestigasyon sa pagbusikad sa motorbanca sa pantalan sa Cantilan, Surigao del Sur nga mi-angol sa walo ka mga crews niini.
Sigon ni Lt. Col. Christian Rafols ll, hepe sa Public Information Office sa PRO-13, migawas sa inisyal na imbestigasyon sa Cantilan Municipal Police Station ug sa Surigao del Sur Police Provincial Office, nga ang cargo motorboat nga M/V LPC pabiya na unta sa pantalan sa Puok 3, Barangay Consuelo, lungsod sa Cantilan pasado alas 2:30 ning mi-aging kaalawon dihang kini mibusikad dihang gipa-andar na ang makina.
Nasuta pa sa imbestigasyon nga ang maong bangka puno sa blue plastic drums nga duna’y sulod nga 30-mil litros nga gasolina kansa gi-deliver sa fuel truck
.
Mitabang pag-rescue sa mga tripolante sa maong cargo boat ang mga personahe sa Cantilan Fire Station ug ang rescue team sa Cantilan Municipal Police Station.
Na-ila ang mga na-angol nga sila Juvel Dacera, 39-anyos taga Purok-5, Brgy. Navarro; Julever Dacera, 24-anyos taga Purok-1, Taruc; Eunerio Caindoy, 40-anyos sa Bagakay, Del Carmen; Joel P. Consigna, 50-anyos sa Purok-5, Navarro; Kevin Dasera, 19-anyos sa Purok-1; ug June Piao Bohol, 24-anyos sa Purok-1, Taruc, nga parehong sakop sa lungsod sa Socorro; ingon man sila Junerel Ruaya, 26-anyos sa Barangay 13; ug Reneboy Tuburan, 36-anyos sa Barangay. 2, parehong sakop sa lungsod sa Dapa, Surigao del Norte.
Daling gidala ang mga na-angol sa district jospital, sa lungsod sa Madrid, Surigao del Sur alang sa pagpatambal human naka-angkon og first ug second degree burns.
