BUTUAN CITY – Gikalipay sa mga ginikanan, kabataan ug mga magtutudlo ang pagbisita kagahapong adlawa ni Vice President ug out-going Education Secretary Sara Duterte sa pipila ka mga tunghaan ning siyudad sa Butuan.
Sigon ni Pedro Tecson, tigpamaba sa Department of Education kon DepEd-Caraga, nag-unang tumong sa besi-presidente ang paglusad sa Go Negosyo: Pampaaralang Taniman ng mga Agribida, garden-to-table school business model.
Wala matud pa’y laing tumong si VP Sara kondili ang masiguro nga ang matag-tunghaan duna’y garden nga gitamnan og mga gulay aron mahatag ngadto sa mga ginikanan sa mga batang malnourished ug putot.
Apan giklaro ni Tecson nga dinhi sa Caraga Region gi-pilot sa kalihim ang maong proyekto rason nga duna na’y mga tunghaang naka-harvest na sa bunga sa ilang gipangtanom.
Giklaro sa opisyal nga ning mi-aging tuig, duha ka tunghaan pa lang ang nagpatuman niini apan karon, nahimo na kining 15 og usa na niini ang gibisita kagahapon sa kalihim, ang Sta. Cruz Elementary School sa Brgy. Manila de Bugabos.
