BUTUAN CITY – Gisugdan na sa Gilas Pilipinas ang 10 ka adlaw nga training para sa second window sa FIBA World Cup Asian Qualifiers. Sigon ni Gilas head coach Tim Cone nga dunay pipila ka kabag-ohan sa line up sa national basketball team.
Gikuha nila para sa pagbansay si Justine Baltazar diin sa Converge duna kini average nga 14.8 puntos ug 14. 2 rebounds. Siya ang mahimong tabang sa kawad-on nila Kai Sotto ug Quentin Millora-Brown.
Dugang pa ni Cone nga nagdesisyon si Millora-Brown nga dili una moapil sa Gilas Pilipinas samtang si Sotto nag-gikan lang sa injury ug duna torneo pa kining apilan sa Japan.
Sa unang adlaw sa session mitambong sila Justine Brownlee, June Mar Fajardo, Scottie Thompson , Calvin Oftana, Cjay Perez, Chris Newsome, RJ Abarrientos ug Troy Rosario. Maka-agbat sa Gilas ang New Zealand sa Pebrero 26 samtang ang Australia usab sa umaabot nga Marso 1.
