BUTUAN CITY – Giklaro sa Philippine National Police kon PNP nga walay sagol nga pulitika ang re-assignment sa 65 ka mga pulis sa Davao padulong sa ubang police regional offices.
Sigon ni Police Brigadier General Jean Fajardo, tigpamaba sa Philippine National Police nga nag-atubang sa imbestigasyon may kalabutan sa double blotter rasong gibalhin ang mga niini.
Ang nabalhing police gilangkuban sa 32 police commissioned officers og 33 ka police non-commissioned officers. Kadaghanan usab sa mga niini, sakop na kaniadto sa pagdumala ni Police Brigadier General Nicolas Torre III sa dihang siya director sa Police Regional Office 11.
Kini ang rason nga walay pulitika niini og natayming lang nga karun na-implementar. Sa karun nabalhin na kini sa Region 2, 4B og Cordillera Administrative Region.
Susamang baruganan usab ang gipahayag ni Police Major Catherine Dela Rey, tigpamaba sa PRO-11 dayung butyag nga dili kini maka-balda sa police operation og uban pang aktibidad ang nasangpit nga lakang.
