-- ADVERTISEMENT --
BUTUAN CITY – Gi-asdang karon sa National Food Authority (NFA) ang pagbag-o sa guidelines sa rice auction o pagpang-subasta sa mga NFA rice.
Gusto sa ahensiya nga aprobahan sa NFA Council ang sugyot nga kunhuran ang kasamtangang 5,000 bags ngadto sa 3,000 bags nga limit sa mga bulto sa bugas nga ipang-subasta.
Sumala ni NFA Administrator Dr. Larry Lacson, tumong niini nga mas daghan pa nga kooperatiba ug retailers ang makasalmot sa rice auction human nangreklamo ang pipila ka kooperatiba tungod sa taas nga minimum limit nga dili nila makaya tungod sa limitado nilang pinansyal nga kapasidad.
Gawas sa mga kooperatiba, daghan usab nga mga traders gikan sa lain-laing bahin sa nasud ang nagpadayag og suporta sa maong sugyot. .
