BUTUAN CITY – Gitawag sa mga eksperto, ang HIV sa Pilipinas isip “Fast and Furious” tungod sa kapaspas na sa pagsaka niini sa nasod. Sumala ni Dr. Loyd Norella, head sa usa ka HIV Program sa nasod, nga kung kaniadtu, gitawag lang nilang mga doktor ang maong sakit isip “hidden and growing”, karon, dili na matud pa matago ang kapaspas sa pagsaka sa maong mga kaso.
Subay sa datus nga gipagawas sa Joint United Nations Programme on HIV/AIDS, bisan og ubos ang kaso sa HIV sa Pilipinas kung itandi sa ubang mga nasod, gikabalak-an gihapon nila ang kapaspas sa pagsaka niini.
Subay sa datus, niadtung tuig 2010, anaa lamang kini sa kapin 4-mil, apan niadtung 2023, ningkabat na kini sa kapin 29-mil. Subay sa mga tigdukiduki, usa matud pa ang kasamtangan nga nagakahitabo karon sa Pilipinas sa gitawag nilang shift sa global HIV/AIDS landscape, kondiin kaniadto, anaa lang sa Sub-Saharan Africa ang epicenter sa HIV apan karon, ning-apas na niini ang South Asia, Eastern Europe ug ang Latin America.
