BUTUAN CITY – Gipadayag ni kanhi Akbayan Partylist Rep. Tom Villarin nga ang kalit nga pag-usab sa liderato sa kamara, senyales sa pagsugod na usab sa 2022 presidential race.
Kini ang reaksyon sa kongresista tungod sa kalit nga pag-usab og suporta sa mga ka-ubanan niyang unang misuporta kang House Speaker Alan Peter Cayetano apan kagahapon mibali na ngadto kang Marinduque Rep. Lord Allan Velasco human kini nakigkita kang Davao City Mayor Sara Duterte.
Sa eksklusibong pakighinabi sa Bombo Radyo Butuan, gipadayag ni Congressman Villlarin nga bisan og unofficial pa tungod kay Oktubre pa, apan ang pagtumaw sa pangalan ni Mayor Sara Duterte, makonsiderang deklarasyon na kini sa mayor nga mudagan sa umalabot nga eleksyon.
Kini matud pa ang significance sa pag-usab na sa liderato sa kamara.
Gidugang pa sa kongresista nga ang pagsuporta ni Mayor Sara sa term-sharing ang naghatag og interest sa kasamtangang isyu karon sa kamara rason nga mibali sa ilang suporta ang mga kongresista.
Gani, nabalik-lantaw pa niini ang pagpapapha sa mayor kang kanhi House Speaker ug Davao del Norte Congressman Pantaleon Alvarez dihang duna sila’y bangi niadtong 17th Congress taliwa nga suod kini kang Pangulong Rodrigo Duterte.
Gihulipan siya ni kanhi Pangulo ug Pampanga 2nd District Rep. Gloria Macapagal Arroyo.
