BUTUAN CITY – Gipadayag sa top court sa United Nations kon UN nga ilegal ang pag-ukupa sa Israel sa mga teritoryo sa Palestine tungod kay supak kini sa international law.
Sigon sa International Court of Justice (ICJ), inahanglan nang hunungon sa Israel ang ilang settlement activity sa ilang gi-ukupahang West Bank ug East Jerusalem ug tapuson na usab ang ilang ilegal nga pag-ukupa sa maong mga lugar apil na sa Gaza Strip sa labing daling panahon.
![](https://img.bomboradyo.com/butuan/2024/07/Hamas-1.jpg)
Isip tubag, gibutyag ni, Israeli Prime Minister Benjamin Netanyahu nga bakak ang desisyon sa ICJ.
Gika-ingon nga ang advisory opinion sa ICJ, dili legally binding apan duna gihapo’y political weight.
Kini ang unang higayon nga ang ICJ nagpagawas og posisyon sa legalidad sa 57-ka tuig nang pag-ukupa sa Israel sa mga teritoryo sa Palestine.
Nasayrang ang ICJ, nga nakabase sa The Hague didto sa Netherlands, nagsusi sa maong isyu sukad pa sa sayong bahin sa tuig 2023 subay na sa hangyo sa UN General Assembly.