BUTUAN CITY – Giklaro ni Lovelle Rhoy Manpatilan sa Brgy. San Vicente ning syudad sa Butuan nga dili niya goal ang pag-top sa metallurgical licensure examination nga gipahigayon sa Davao City niadtong Oktubre 17 hangtud 19.
Aminado siyang na-pressure siya og dyutay tungod sa mga expectations sa iyang mga classmates sa Mindanao State University-Iligan Institute of Technology kon MSU-IIT human nga usa sa ilang school mate ning mi-aging tuig ang apil usab sa top ten sa susamang eksaminasyon.
Hangtud karon, wala pa nag-sink in kaniya ang maong kalampusan tungod kay mabati niya nga daw nagdamgo lang siya.
Dakong kada-ugan usab kini alang sa iyang mga ginikanan kinsa mibati og tumang kalipay sa iyang nakab-ot ilabina nga damgo lang niyang makapasar sa maong eksaminasyon.
Sa pagkakaron, plano niyang mutrabaho sa usa ka gold processing plant apan maghulat usab siya sa mga ihanyag kaniyang trabaho apan samtang wala pa’y trabaho, tutukan una niya ang pagpahulay human ang pipila ka buwan nga pagpangandam niya sa maong eksaminasyon. (Beth Ruiz)
