BUTUAN CITY – Gikumpirma ni Butuan City administrator Reynante Desiata nga duna’y pipila ka mga doktor ug nurses sa Butuan Medical Center nga nang-resign ug miretiro na subay na usab sa nanggawas nga mga balitang pito sa 11 ka mga doktor samtang 32 ka mga nurses ang nang-resign na.
Kini isip pagklaro sa hungihong kalabot sa gika-ingong anumalusong pagbulsa matud pa sa pundo sa maong ospital ubos sa kasmtangang kadulamahan ning siyudad.
Sa eksklusibong pakighinabi sa Bombo Radyo Butuan, wala gibutyag ni Desiata kung pila ang ihap sa mga doktor ug nurses nga wala na sa maong ospital gawas sa pagbutyag nga nangretiro na ang uban tungod kay anaa na sa pangidarong 64 ug 65-anyos samtang ang uban, nang-resign tungod sa conflict sa ilang eskedyol sa laing ospital samtang ang uban duna’y mga comorbidies nga delikado kanila higayong ma-igo sa coronavirus.
Kini human nga duna sila’y gipagawas nga bag-ong eskedyol kondiin mas taas nga oras ang ilang gipagahin ilabina sa mga na-assign sa mga COVID-19 facility.
Alayon niini, padayon ang ilang hiring sa mga doktor ug nurses dungan sa pagklaro nga wala maparalisa sa mga nang-resign ang operasyon sa Butuan Medical Center pagpanguna ni Mayor Lagnada ilabina nga igo-igo pa ang ihap sa mga doktor ug nurses tungod sa pwersang gi-augment sa Department of Health kon DOH.
