BUTUAN CITY – Ka-uban si Popstar Royalty Sarah Geronimo sa mga nagbukas sa usa ka semanang selebrasyon sa Naliyagan Festival 2019 sa lalawigan sa Agusan del Sur kagabii.
Halos dili mahulugan og dagom ang festival venue nga Datu Lipus Makapandong Cultural Center, Gov. D.O. Plaza Government Center, sa lungsod sa Prosperidad dihang pormal nga gibuksan ang selebrasyon sa pagpanguna ni Gov. Eddie Bong Plaza.
Dako ang pasasalamat sa singer/actress nga nahimo siyang kabahin sa bonggang selebrasyon sa 27th Naliyagan kansa mao ang pagbalik-tan-aw sa founding anniversary sa lalawigan.
Ang selebrasyon tinuig nga gisa-ulog isip pagsaludo sa tanang mga indigenous og locals kalabot sa lalawigan sa Agusan del Sur lakip na sa ilang kultura.
Daghan ang nakahan-ay nga mga activities alang sa usa ka semanang selebrasyon nga matapos karong Lunes, Hunyo a-17 pinaagi usab sa pag-perform sa rakistang si Bamboo.
