BUTUAN CITY – Gitakda karung Enero 28, 2025 ang opisyal nga pag-install kang Bishop Ruben Labajo isip unang obispo sa bag-ong na-establisar nga Diocese of Prosperidad sa Agusan Del Sur.
Ang outgoing auxiliary bishop sa Cebu mu-assume sa iyang bag-ong trabaho atol sa Balaang Misa sa St. Michael the Archangel Cathedral sa lungsod sa Prosperidad.
Gilaumang motambong sa pag-install kang Bishop Labajo ang mga obispo gikan sa nagkada-iyang dapit sa nasud. Mahinumduman nga niadtong Oktubre 15, gihimo ni Pope Francis ang Prosperidad isip ika-87 nga diocese sa nasud nga duna kini 27 ka parokya.
Tungod niini, ang diocese sa Butuan maglangkub na lamang sa mga parokya nga sakop sa probinsiya sa Agusan Del Norte.
Una nang gipadayag ni Cardinal Luis Antonio Tagle, pro-prefect sa First Evangelization section sa Dicastery for Evangelization nga ang bag-ong diocese, senyales sa paglambo sa simbahang Katoliko.
