BUTUAN CITY – Padayon pang gipangandaman samtang giplano pa ang petsa sa installation sa bag-ong gitudlong obispo ni Pope Francis alang sa bag-ong gimugnang Diocese of Prosperidad sa Agusan del Sur nga pangunahan unya ni Bishop Ruben Labajo, ang kasamtangang auxiliary bishop sa Archdiocese of Cebu.
Sa eksklusibong pakighinabi sa Bombo Radyo Butuan, gibutyag ni Fr. Daryl Glenn Tatoy, tigpamaba sa Diocese of Butuan, kansa maoy mother diocese sa Diocese of Prosperidad, tabangan nila nga mahimong hapsay ang transition nga himuon ka-abag ang mga kasimbahanan sa Agusan del Norte ug Sur ug ning siyudad sa Butuan.
Giklaro ni Fr. Tatoy nga atol sa aplikasyon alang sa pagmugna na sa Diocese of Prosperidad, ila unang gikunsulta ang mga membro sa clergy apil na ang mga laymen kansa mipadayag usab sa ilang suporta.
Alayon niini, ang arrangement sa kasimbahanan apil na sa mga pari, mag-agad sa ilang gigikanan kondiin ang tanang mga simbahan sa Agusan del Sur, under na sa Diocese of Prosperidad samtang ang tanang mga simbahan sa Agusan del Norte ug sa Butuan City, sakop gihapon sa Diocese of Butuan.
Dako usab ang ilang pagpasalamat sa maong kalambuan tungod kay ila man kining gi-asdang sa ingon mas makahatag na sila og mga context-relevant pastoral care. Ang iya lang gihangyo nga i-ampo sa tanang mga deboto ang hapsay nga transition unya sa bag-ong diocese.
Si Fr. Daryl Glenn Tatoy, tigpamaba sa Diocese of Butuan, sa eksklusibong pakighinabi ning sibyahan.
