BUTUAN CITY – Welcome development alang kang Negros Oriental 3rd District Congresswoman Janice Degamo, asawa sa gipatay nga si anhing Governor Joel Degamo, ang pagpa-deport sa kagamhanan sa Timor Leste sa suspek sa kremin nga si expelled Congressman Arnulfo ‘Arnie’ Teves Jr.
Gibutyag sa bag-ong lingkod nga kongresista nga kaniadto pa gipangulipas ni Teves nga duna siya’y kalambigitan sa kremin apan inay nga atubangon ang maong akusasyon, milupad na himuon kini sa Timor Leste ug didto nagtago pinaagi sa pag-apply niya og asylum nga gi-grant usab sa kagamhanan.
Tungod sa bag-ong kalambuan human ang iyang pagkasikop ning mi-aging gabii, gibutyag sa byudang kongresista nga kung tinuod nga wala’y kalabutan si Teves sa maong kremin, dapat kaniadto pa niya kini gi-atubang.
Aminado siyang gikalipay sa ilang pamilya ang maong kalambuan tungod kay dinhi mapamatud-an nga wala’y si bisan kinsa nga labaw sa balaud, bisan unsa pa ka-adunahan ang usa ka tawo.
