BUTUAN CITY – Judgment call na alang sa Senado kung ilaha bang i-cite in contempt ang mga cabinet secretaries ni sa Presidente Ferdinand Bongbong Marcos tungod sa wala niini pagsalmot sa gipahigayong hearing ni Senadora Imee Marcos mahitungod sa hisgutanang pagdakop kang kanhi Presidente Rodrigo Roa Duterte.
Sumala ni Atty. Jame Reserva, legal luminary ning dakbayan, sa eksklusibong pakighinabi ning sibyahan nga ang nahitabo ning kasamtangan nga wala pagtambong sa mga sekretaryo nis Presidente Marcos Jr., kay sama ra sa nahitabo niadtung 2007 diin wala usab ning tambong ang mga gabinete ni kanhi Presidente Gloria Macapagal Aroyo sa hearing nga gihimo sa Senado mahitungod sa kontrobersyal nga 329 Billion US Dollar nga kontrata sa Pilipinas tali sa Chinese Telecommunications nga ZTE alang sa National Broadband Network.
Diin tungod sa maong wala pagsalmut, naka mugna og balaod ang Korte Suprema kansa nagmando nga dili mamahimong bale-walaon lamang ang pagpatawag sa kongreso ngadto sa mga Cabinet Secretaries pinaagi sa pag invoke lamang sa ilahang Executive Privilege, kansa maoy gigamit karon nga rason sa mga ehikotibo nga gipatawag sa Senado.
Gidugang pa sa abogado nga dako matud pang implikasyon sa nasod sa Pilipinas an gpagkasikop kang kanhi Presidnete Duterte ug pagtugyan pa niini ngadto sa ICC, rason nga importante matud pa kini nga mga hisgutanan arun maita kung unsa na ba gayud diay ka bulnirable ang Pilipinas.
Ang pamahayag ni Atty. Jame Reserva.
Kahinumduman nga no-show ang mga resource persons nga gipatawag ni Senadora Imee Marcos sa ikaduhang pagdungog sa Senate Committee on Foreign Relations nga iyang gipangunahan.
Tungod kay wala’y mutubag sa mga gi-andam nilang pangutana, gipadayag sa senadora nga pirma na lang ni Senate President Chiz Escudero ang kulang aron ipadala na ang maong mga subpoena.
Apil sa padalhan niini angmanagsuong sila Justice Sec. Jesus Crispin Remulla ug Interior and Local Government Sec. Junvic Remulla, Executive Sec Lucas Bersamin; National Security Adviser Eduardo Año; Defense Secretary Gilberto Teodoro Jr.; Foreign Affairs Secretary Enrique Manalo; ug Migrant Workers Secretary Hans Cacdac.
