BUTUAN CITY – Gitawag ni Besi Presidente Sara Duterte nga political harassment ug political attacks ang gihimo ngadto sa iyang igsoong si Davao City Rep. Paolo ‘Polong’ Duterte ingon man sa bana niini nga si Atty. Mans Carpio.
Gipadayag kini ni Bise Presidente Sara human ang unang pagdungog sa House Quad Committee sa ubos balay bala-uranan diin nahimong sentro sa hisgutanan ang mga krimen nga may kalambigitan sa Philippine Offshore Gaming Operators kon POGO ingon man ang extrajudicial killings nga gikutay ngadto sa isyu sa illegal drugs trade sa nakalabay nga Duterte Administration.
Sa maong hearing, gipanganlan sa kanhi intelligence agent sa Bureau of Customs nga si Jimmy Guban ang bana ni Vice President Sara nga si Atty. Mans Carpio, igsoon niining si Davao City Rep. Paolo ‘Pulong’ Duterte ug kanhi Presidential Economic Adviser Michael Young sa smuggling sa balor 11-billion pesos matud pa nga nawalang shabu shipment.
Sumala sa Bise Presidente, sukad ningnaug siya isip membro sa gabinete ni Pangulong Ferdinand Bongbong Marcos Jr. nanggawas na ang nasangpit nga mga isyu.
Naglaum na lang siya nga dili tutukan sa mga Pilipino ang kabanha sa politika, kondili ang pag-aksyon sa gobyerno sa tinood nga problema sa nasod sama sa kapobrehon ingon man sa mahal nga presyo sa mga palaliton.
