BUTUAN CITY – Gimanduan na ni Police Regional Office (PRO) 10 Regional Director P/Chief Supt. Timoteo Pacleb, ang tanan nilang mga city, municipal og provincial police directors nga mas pahugtan pa ang ilang depensa og i-maximize ang ilang mga personahe.
Kini human ang tulo ka oras nga pagpangatake sa gibana-banang 200 ka mga rebeldeng New People’s Army (NPA) sa Binuangan Municipal Police Station sa lalawigan sa Misamis Oriental kaganinang alas-tres sa kaadlawon nga miresulta sa pagka-angol sa upat ka mga pulis.
Sigon ni General Pacleb, tubag matud pa kini sa mga rebelde sa gikanselang peace talks ni Pangulong Rodrigo Duterte tali sa National Democratic Front (NDF).
‘Ang nakikita namin dito, this is probably the response of the cancellation of peace talks,’ sigon ni Gen. Pacleb.
Nagpadayon pa karon ang pursuit operations batuk sa nanibat nga mga rebelde. (Beth Ruiz)
