BUTUAN CITY- Ma-ila nga pag-atake sa administrasyon ang gipasaka nga impeachment complaint batok kang Pangulong Ferdinand Marcos Jr. Tubag kini ni Palace Press Officer USec. Claire Castro human ma-refer sa House Committee on Justice ang duha ka verified impeachment complaints nga gipasaka batok kang President Ferdinand Marcos Jr. nga gi-indorso ni Rep. Jette Nisay ug Makabayan bloc lawmakers.
Pagklaro ni Castro, nga dili lang ang Presidente ang posibleng ma-apektuhan sa impeachment kundi ingon usab ang nasud ug ang ekonomiya.
Girespeto usab sa Malacañang ang referral sa duha ka-verified impeachment complaints batok kang President Marcos sa House Committee on Justice. Sumala ni Castro, nga gi-ila sa Presidente ang mga lakang ug desisyon sa House of Representatives ug gipasagdan lang matud pa niini nga modagan ang proseso sa impeachment subay sa gilatid sa balaod.
Kalabot niini gisiguro sa Malacañang nga dili mahimong babag ang impeachment efforts sa pagtuman sa mga katungdanan sa Presidente.
Sigon ni Usec. Castro, nga dili mapahunong ang Presidente sa padayon nga pagtrabaho alang sa pag-uswag sa kinabuhi sa matah Pilipino taliwala sa mga reklamong gipasaka batok kaniya.
Dugang pa niini, nga andam ang Malacañang nga makigkoordinar sa Kongreso ugaling mo hangyo ang House Committee on Justice og mga dokumento.
Matud pa ni Castro, nga girespeto sa Presidente ang proseso ug mosunod kini sa bisan unsa mang legal nga hangyo kalabotan sa nagpadayon nga hearing.
