BUTUAN CITY – Gikonsidera sa station manager sa Radio Mindanao Network kon RMN DXBC Butuan nga si Ramil Bangues nga pagpangharass ang gihimong pagkasikop ngadto kaniya kaganinang sayu sa udtu human nalutsan og warrant of arrest sa kasong cyber crime nga iyang gi-atubang.
Nasayran nga gelayong nakapiyansa si Bangues sa kantidad nga 80-mil pesos rasong naka-angkon kini sa temporaryong kagawasan. Sa pakighinabi ning sibyahan, gipahayag ni Bangues nga walay libel nga iyang nakomitar tungod kay base kini sa mga facts.
Gipasabot pa niini ang ugat sa maong kaso diin nalakip sa iyang komentaryo si PLCol. Christian Rafols human kini nahimong kustomer sa usa ka doctor nga nadakpan tungod sa drugas. Sumala pa ni Bangues nga dili makonsidera si Rafols nga pasyente sa maong doctor tungod kay wala kini sakit o bakaha na-admit.
Hinoon makonsidera kining kustumer o kliyente sa doctor sa pagpa-gwapo. Wala matud pay malisya sa iyang komentaryo tungod kay wala niya gisulti sa kahanginan nga customer ang opisyal sa illegal nga drugas.
Gane wala siyay nakitang pamatood nga na-stress ang opisyal og wala usab naguba ang iyang karera. Tungod niini, ang nakitang motibo sa nasangpit nga kaso, mao ang paghadlok ngadto kaniya isip magsisibya.
Alayon niini, gipaneguro ni Bangues nga wala kini naka-apekto sa iyang trabaho isip komentarista. Sigon ni Bangues, kabahin lang kini sa trabaho nga iyang gipanumpaan dayung butyag nga siya mahadlok sa hulgang kaso, tungod kay nagkinahanglan ang kalibutan sa mga magsisibya sa kamatooran.
