BUTUAN CITY – Gikonsidera nga inisyal nga kadaugan alang sa mga mamumuo ang na-aprubahan sa House Committee on Labor and Employment nga sugyot-balaodnon nga pagpatuman sa 200 pesos nga usbaw sa matag adlaw nga suhulan sa mga trabahante sa pribadong sektor.
Sigon ni Atty. Sonny Matula, presidente sa Federation of Free Workers, welcomed alang sa mga mamumuo ang maong sugyot-balaodnon nga dugay na matud pang natulog og nahigmata lang human dayag nga gisuportahan ni House Speaker Martin Romualdez.
Pagbutyag pa niini nga dakong tabang kini aron ma-atbangan ang taas nga inflation. Nagtoo ang opisyal nga sa sunod semana, mapalabang na kini sa ikaduhang pagbasa samtang human sa election usab ma-aprubahan sa ikatulo og pinal nga pagbasa.
Giklaro ni Atty. Matula nga base sa maong balaodnon, usbawan og 200 pesos ang tanang mga pribadong mamumo-o sa tibook nasud.
Dili matud pa angayan nga ikabalaka kini sa mga negosyante tungod kay motaas man usab ang ilang income karung kadaghanan sa mga trabahante duna nay ikapamalit.
