BUTUAN CITY – Gibalikan usab sa pagdungog sa House Committee on Justice ang testimonya sa pipila ka mga kanhi opisyal sa Department of Education (DepEd) kinsa mi-angkong nakadawat matud pa sila og mga sobre nga duna’y sulod nga kwarta niadtong kalihim pa sa ahensya si Vice President Sara Duterte.
Madumdumang nakalatid kini sa mga alegasyon niadtong 2024 sa managlahing pagdungog sa House Committee on Good Government and Public Accountability.
Apil ang bribery kon pagpanuhol sa mga grounds nga nakalatid sa impeachment complaints batuk kang Duterte.
Gipasabot ni House Justice Committee chairman Gerville Luistro ang katuyuan sa pagpakita sa maong video kansa kabahin sa proseso pagtumbok nga duna’y sufficiency in substance ang maong mga reklamo.
