BUTUAN CITY – Plantsado na ang pag-abli sa Caraga Regional Athletic Meet 2026 ugmang adlawa sa Surigao City.
Sigon ni Pedro Tecson, tigpamaba sa Department of Education kon DepEd-Caraga nga wala nay kakulian pa himoong seremonya pasado alas 3:00 sa hapon sa may Surigao City Sports Complex alang sa himoong regional meet.
Tambongan kini sa 6,636 ka mga athleta og coaches diin ang atleta niini anaa sa 5,237 sa mga regular athletes samtang 284 sa modula sa Para Games.
Gipaabot usab niini ang pahimangno gikan sa probinsiyal nga kagamhanan sa Surigao Del Norte nga 4-mil lang ang pwedeng pasudlon sa Surigao City Sports Complex tungod kay kini lang ang kapasidad niini rasong nagpatuman sila og first come-first serve basis aron malikayan ang stampede.
Samtang sa dili maka-adtu sa venue, gipangayu ni Tecson ang ila gihapong suporta ngadto sa mga atleta sa bisan unsang pamaagi ilabina sa pag-ampo.
Gikumpirma usab ni Tecson nga lauman nila ang pag-abot sa maong seremonya sa mga dagkong opesyales sa DepEd-Central Office sa pagpanguna ni Secretary Sonny Angara.
Sumala pa ni Tecson nga nakapadala sila og imbitasyon sa maong opisyal og mahibal-an ra kini ugmang kung makatungha ba kini sa seremonya.
Sa pangutana usab kung makatambong ba si Pangulong Ferdinand Marcos jr gibutyag sa opisyal nga dili kini pwedeng ipublikar tungod sa seguridad. Samtang dunay mga dagkong pangalan usab sa sports ang makatambong sa seremonya.
