BUTUAN CITY – Gi-ila na sa Philippine Air Force (PAF) ang ilang unom ka mga sakop nga namatay human nahagsa ang ilang gisakyang Super Huey helicopter sa bukirang bahin sa Brgy Sabud, lungsod sa Loreto, Agusan del Sur niadtong Martes, Nobyembre 4.
Gilangkuban kini nila Capt Paulie Dumagan, 2nd Lt Royce Louis, Sgt. Yves Sijub, Sgt John Christopher Golfo, Airman First Class Ericson Merico, ug Airman Ameer Khaidar Apion.
Sigon sa PAF, nagpahigayon sila og humanitarian assistance ug disaster response mission gikan sa Davao City ug padulong unta dinhi sa dakbayan sa Butuan tungod sa pagkuso-kuso sa bagyong Tino dihang nahitabo ang insidente.
Nagpa-abot na og mg apag-ampo ug pahasubo ang kinatibuk-ang PAF ngadto sa mga pamilya, higala ug mga mahal sa kinabuhi sa namatay nga mga sundalo.
