BUTUAN CITY – Nanawagan si Senadora Risa Hontiveros nga muhimo og pormal nga imbestigasyon ang Senado kalabot sa padayong paghagba sa industriya sa asukal sa nasud taliwa sa nagtunhay nga mga balaud.
Pinaagi sa Senate Resolution No 228, gusto sa senadora nga utingkayon ang charter sa Sugar Regulatory Administration kon SRA ug ang pagpatuman sa Sugar Industry Development Act of 2015.
Kini aron matubag ang kakulangon sa produksyon ug matabangan ang sektor sa asukal nga makabangon.
Dugang pa sa magbabalaud, tumong sa nagtunhay nga balaud nga pakusgon ang industriya sa asukal ug ang kita sa mga mag-uuma ug mga trabahante.
Apan taliwa sa mga balayd, nagpabiling mahal ang asukal sa nasud rason nga maglisod ang mga sugarcane farmers nga makigkompetensya.
