BUTUAN CITY – Makig-alayon ang Butuan City Permits and Licensing Division ngadto sa Criminal Investigation and Detection Group kon CIDG-Caraga aron ma-aksyunan ang nagpadayong operasyon sa KAPA ubos sa bag-ong pangalan nga Special Distribution Trading and Construction Corporation kansa gihimo sa usa ka panimalay.
Kini taliwa nga wala pa gitangtang ang cease and desist order nga ilang gipatuman tungod sa pag-operate niini isip investment scheme inay nga mamaligya og mga construction materials.
Gipasalig ni Atty. Moshie Ariel Cahoy – hepe sa legal team sa maong buhatan nga ilang lawom nga tan–awon ang legality sa gihimo sa maong investment scam taliwa kini sa kawala matud pa’y aktibidades nilang nasapon atol sa iyang pagpa-surveillance sa gawas nga bahin sa gipasirang modus.
Aminado siyang maglisod siya pagsapon sa operasyon sa grupo tungod kay wala matud pa’y mga membrong giduol sa ilang agent ang musulti sa ilang katuyuan pag-apil sa tapok.
Tungod sa tinguha sa Bombo Radyo Butuan nga masanta na ang pagpangilad sa KAPA, gisugyutan pa kini og pipila ka mga lakang nga angayan nilang himuon aron lang duna’y saktong agi sa ilang mga operasyon particular sa Task Force Butuan.
Alayon niini, gipasalig usab ni Atty. Cahoy nga tutukan nila kini ilabina nga nasayrang magsakay lang og motorsiklo ang mukuha sa i-pay in nga kwarta gikan sa mga membro og ang muhatag og pang-pay out.
Mipasalig usab kining dili kini palabyon og ilang tun-an og maayo ang nasangpit nga operasyon uban sa abag sa kapulisan og uban pang mga concerned government agencies.
