BUTUAN CITY – Gikumpirma ni retired boxing champion Manny Pacquiao nga duna siya’y exhibition fight batok kang kanhi Russian junior welterweight world champion Ruslan Provodnikov sa Abril 18 nga himuon sa Las Vegas. Nevada sa Estados Unidos.
Kini na ang ikaduhang away ni Pacquiao sukad siya mibalik sa boksing human sa iyang pagretiro.
Ang 47-anyos nga si Pacquiao katapusang nakigsangka niadtong Hulyo sa miaging tuig, diin nahuman sa majority draw ang iyang awau kang WBC welterweight champion Mario Barrios.
Sumala ni Pacquiao, matag-saka niya sa ring, dala niya ang bandila sa nasod ug dako kaayo niyang inspirasyon ang suporta sa mga Pinoy gikan sa nagkalain-laing bahin sa kalibotan.
Ang eight-division world champion adunay rekord nga 62 ka daog, walo ka pildi ug tulo ka draws sa 73 niya ka mga away. Samtang ang 42-anyos nga si Provodnikov adunay rekord nga 25 ka daog, lima ka pildi ug 18 ka knockouts.
