BUTUAN CITY – Parehong sulod sa welterweight limit nga 147-libras sila Pinoy boxing icon Manny Pacquiao ug Mexican-American boxer Mario Barrios sa gihimong weigh-in kaganina sa Las Vegas, Nevada.
Mitimbang si Pacquiao og 146.8-pounds samtang si Barrios, mitimbang og 146.2-libras kondiin mas bug-at ang timbang ni Pacquiao sukad sa iyang ika-upat nga pakig-atubang kang Juan Manuel Marquez niadtong Disyembre 2012.
Katapusang nakig-away si Pacquiao niadtong tuig 2021 diin napildi siya ni Yordenis Ugas pinaagi sa unanimous decision.
Samtang ang 30-anyos nga si Barrios, kataposang nakig-away niadtong Nobyembre sa miaging tuig pinaagi sa 12-round split draw batok kang Abel Ramos.
Si Pacquiao adunay 62 ka daog, walo ka pildi ug duha ka draw uban sa 39 ka knockouts, samtang ang 30-anyos nga si Barrios adunay 29 ka daog, duha ka pildi, usa ka draw ug 18 ka knockouts.
