BUTUAN CITY- Gisugyot sa Development Budget Coordination Committee (DBCC) nga isaka sa kantidad nga P6.2 trilyon nga nasudnong budget alang sa fiscal year 2025.
Mas taas kini kon itandi sa P5.768 trillion nga budget ning kasamtangang tuig, 2024. Sumala pa ni National Economic Development Authority (NEDA) Secretary Arsenio Balisacan, nga target sa gobyerno nga palig-onon ang mga high impact infrastructure projects sa nasod, kansa maoy tutokan sa paggasto sa gobyerno.
Dugang sa maong opisyal nga dako ug tabang ang maong budget alang sa mga kabus ug huyang nga sektor sa Pilipinas. Gipasalig usab niini nga padayon nga suportahan ang pagtukod sa gobyerno ug daghang mga proyekto aron nga mapadayon pa ang paggasto niini sa mga imprastraktura nga bugti sa 5-6% ngadto sa tuig 2028.
Alayon niini, gilauman usab nga mosaka ngadto sa P4.270 trillion ang revenues sa pangamhanan karong tuiga. Gianunsyo usab ni Secretary Balisacan nga posibleng mosaka ngadto sa P6.078 trilyon ang kitaon sa gobyerno sa tuig 2028 ilabina nga gilauman ang mga reporma sa tax administration maoy makapalig-on sa sistema sa buhis sa Pilipinas.
