BUTUAN CITY- Gisugdan na karong adlawa sa Surigao City Social Welfare and Development kon CSWD ang pay-out sa tag-5 mil pesos nga cash assistance alang sa mga residenteng apektado sa bagyong Odette.
Sigon ni Surigao City Social Welfare officer Lalaine Pantelo, upat ka mga barangays sa mainland sa Surigao City ang makadawat sa maong cash assistance nga mao ang Brgy. Nabago, Cabongbongan, San Isidro ug Day-asan.
Gipasabot sa opisyal nga unahon man unta paghatag sa maong cash assistance ang mga island barangays apan tungod sa daut nga panahon nng mi-aging mga adlaw, na-una pag-validate ang mga barangay nga anaa sa mainland.
Gawas niini, padayon usab ang pagpang-apod apod nial og mga relief supplies ngadto sa katawhan sa nagkada-iya nilang barangay, kapin usa ka buwan human ang paghapak sa bagyong Odette.
Sigon ni Pantelo, magpadayon kini samtang padayon pang mag-abot abot sa ilang buhatan ang mga family food packs gikan sa nagkada-iyang rehiyon sa nasud ug mga donors.
