BUTUAN CITY – Mukabat sa 5.3-milyunes pesos nga kantidad sa kahoy’ng Lapnisan kon Agarwoods ang na-intercept sa mga sakop sa Criminal Investigation and Detection Group kon CIDG nga ipadala unta padulong sa kauluhang Manila.
Gipanubayan na karon sa kapulisan ang nagpadala sa 17.9-kilos nga mga wood chips nga gikarga sa lima ka mga kahon og gipadala sa lima ka managlahing indibidwal pinaagi sa Philippine Postal Corporation kon PhilPost-Butuan kansa gideklarang wood gift og gipaagi sa Bancasi Airport.
Nasuta pa nga higayong maka-abot sa Manila, ipadala gilayon kini ngadto sa nasud sa Oman sa Middle East.
Gi-andam na usab ang kasong paglapas sa Republic Act 9147 kon Wildlife Act of 2002 nga ipasaka batuk sa mga nagpadala sa maong mga kontrabando.
