BUTUAN CITY- Nakadawat og tag-4,800 pesos nga cash assistance gikan sa gobyerno ang 275 ka mga benepisyaryo gikan sa 21 ka mga barangay sa Tandag City, lalawigan sa Surigao del Sur.
Gihimo ang maong aktibidad sa may Mabua Covered Court, Brgy. Mabua, sakop sa maong syudad ning nakalabay nga adlaw.
Subay sa impormasyon nga gipagawas sa maong syudad, gipanghatag ang maong kantidad pinaagi sa Tulong Panghanapbuhay sa Ating Disadvantaged/Displaced Workers kon TUPAD Program sa Department of Labor and Employment kon DOLE.
Gipangunahan nila Surigao del Sur Governor Alexander Pimentel, Tandag City Mayor Roxanne Pimentel ug sa mga personahe gikan sa Department of Labor and Employment kon DOLE- Provincial Office ang pagpanghatag sa maong cash assistance.
Sa mensahe usab ni Gov.Pimentel, gibutyag niining magpadayon ang paghatag og tabang sa gobyerno ilabina sa mga grabehang na-apektuhan sa kasamtangang nasinatian nga COVID-19 Pandemic.
