BUTUAN CITY- Nagmalampuson ang gibuhat nga buy-bust operation nga gpangunahan ni PCapt Moises Macalolot Jr. commander sa Station Drug Enforcement Unit ug sa tibook pwersa sa Butuan City Police Station 5 kon BCPS 5, human masikop ang usa ka High Value Indibidwal drug personality.
Giila ang suspek nga si alyas “Dodong Junjun” 52-anyos, minyo, jobless og kasamtangan kining nagmulopyo sa Purok 8, Brgy Ong yiu Butuan City tungod sa pagmaligya ug paghupot og ginadiling droga sa may Purok P1 Brgy Amparo ning dakbayan sa Butuan.
Nakuha sa iyang position ang 7-ka gramos nga shabu nga nagkantidad og P47,600, P2,000 nga buy-bust money ug kalibre 38 nga pistola nga naay 3 ka buhing bala.
Sumala sa Station Commander nga si PCapt Moises Macalolot Jr, nga ang maong suspetsado, nagadala og armas isip hinagiban sa iyang mga illegal nga transakyon labi na sa pagpamaligya sa illegal nga droga.
Sa pagkakaron hingpit na nga gitanggong sa Station 5 ang suspetsado aron atubangon ang kasong R.A 10591 o paghupot sa illegal nga armas ug R.A 9165 o Comprehensive dangerous drugs act of 2002.
