BUTUAN CITY – Gibana-banang mukabat sa 2-milyunes pisos ang damyos human nalatayan sa kalayo ang tulo ka andanang commercial building kagahapon nga mi-abot sa 2nd alarm. Ang maong establisamiento, gipanag-iyahan ni Leo Dy ug sa iyang pamilya.
Sa eksklusibong pakighinabi sa Bombo Radyo Butuan, gibutyag ni SFO1 Jezil Asis sa Butuan Central Fire Station nga padayon gihapon ang ilang pagsuta sa hinungdan sa pag-ulbo sa kalayo ug kung asa kini gikan.
Nadawat nila ang fire call pasado alas-5:08 sa hapon dayong pasabot nga dugay matud pa napalong ang kalayo tungod sa kadaghan sa mga naka-stock nga gamit sulod sa tindahan nga nakasugnod niini sama sa pintal, mga kemikal ug uban pa.
Wala namatud pa makatabok sa kasikbit pang mga establisamiento ang sunog tungod kay isolated man kini ug duna usa’y fire wall.
Compliant matud pa ang nasangpit nga hardware sa mga rekisitos base na usab sa ilang nasuta panahon sa mga inspeksyon
