BUTUAN CITY – Tingkagol sa Maharlika detention cell facility sa Brgy Carmen, Cagayan de Oro City ang duha ka mga drug personalities human nakuhaan og tulo ka kilong suspected shabu atol sa gilusad nga drug buy-bust operation kaganinang ala-una sa kaadlawon sa Lambago, Barangay Lapasan, sa maong siyudad.
Gipangunahan ang maong operasyon sa Regional Police Drug Enforcement Unit (RPDEU) Team 2 kondiin nakuha gikan sa target suspect nga si alyas Bossing Inano, 23-anyos, ang 30 ka dagkong pakete sa maong mga epektos apil na ang unom ka gagmay’ng sachets apil na ang usa ka libo ka pisos nga buy bust money.
Ang laing nadakpan nga usa ka 25-anyos nga fetch rider, nagbutyag nga wala siya masayod nga ilegal nga druga ang dala sa iyang pasahero apan apil siya sa gi-detain ug gi-impound usab ang iyang motorsiklo.
Nasuta sa inisyal nga imbestigasyon sa suspetsado nga igo lang matud pa siyang gisugo sa iyang uyuan nga napriso sa Lumbia City Jail aron kuhaon o sunduon ang maong kargamento gikan sa Westbound Terminal sa Brgy. Bulua.
Karon,ang duha ka suspetsado kasamtangang anaa na gi kustodiya sa Maharlika Detention Cell facility sa brgy.Carmen ning ciudad.
Pasakaan sa kasong paglapas sa Republic Act 9165 o gitawag nga Comprehensive Dangerous Drugs Act of 2002 ang mga nadakpan
