BUTUAN CITY -Naghanyag og P20 milyon nga reward ang Kingdom of Jesus Christ (KOJC) alang niadtong makahatag og impormasyon kung kinsa ang nag-donate og P10-M ngadto sa gobyerno isip reward sa makatudlo sa nahimutangan sa puganteng si Pastor Apollo Quiboloy.
Sigon ni Atty. Israelito Torreon, abogado ni Quiboloy, ang maong kantidad naggikan sa ilang mga membro gikan sa nagkada-iyang nasud sa kalibutan.
Gustong masayran sa KOJC kung kinsa ang naghatag sa maong kantidad ngadto kang Department of Interior and Local Government (DILG) Secretary Benhur Abalos. Kini tungod kay ilegal matud pa ang pagdawat og dakong kwarta gikan sa pribadong tawo ilalom sa section 7 sa Republic Act 6713.
Gusto usab masayran sa KOJC kung kinsa ang nagpaluyo sa pagmugna og assassination team nga mao matud pa’y mupatay kang Quiboloy.
Madumdumang niadtong Hulyo 8 dihang gi-anunsiyo sa DILG nga duna’y hanyag nga P10-M nga reward alang ni bisan kinsa mang makatudlo sa nahimutangan ni Quiboloy ug tag-usa ka milyon ka pisos alang sa mga ka-ubanan niining akusado.
