BUTUAN CITY – Mukabat sa 150 ngadto sa 200-milyunes pesos ang pundong gigahin sa probinsyal nga panggamhanan sa Agusan del Norte alang sa kalampusan sa vaccination program batuk sa COVID-19.
Sa eksklusibong pakighinabi sa Bombo Radyo Butuan, gipadayag ni Gov. Dale Corvera nga andam na ang logistical support sa mga local government units aron mahimo gilayon ang vaccination roll out pag-abot na sa mga bakuna.
Dili matud pa kini itupok ni bisan kinsa tungod kay sundon niini ang ilang mga priority lists sama sa mga health front liners.
Sa pagkakaron, padayon pa gihapon ang pagproseso sa listahan sa mga iprayuridad sa bakuna ilabina nga kinahanglan pang susihon kung wala’y sakit ang mabakunahan sa ingon masigurong luwas ang tanang matupukan niini.
