BUTUAN CITY – Gawas sa pagaska sa Women’s Tennis Association (WTA) ranking, sigurado na usab ang kapin sa P19 milliones nga makuhang premyo ni Pinay tennis star Alex Eala human sa impresibo niining performance sa 2025 Miami Open.
Sayrang hatud sa semifinal sa maong torneo ang garantisadong $332-mil 160 kon bugti sa kapin P19 millones. Mas labaw pa kini sa kinatibuk-ang $32,000 nga mabulsa ni Eala sa tibook season.
Samtang, kung niabot pa sa finals ang 19 anyos nga tennis star, sigurado na untanang mabulsa niini ang $597-mil 890 kon bugti sa P34M, samtang anaa usab sa $1.1-million kon bugti P64.5M ang makuha untana niini kung siya ang nahimong champion.
Subay sa pagtapos ni Eala sa iyahang Miami Open stint, gilaumang mosaka pa ang Pinay tennis star sa WTA ranking.
Sumala sa inisyal nga WTA live rankings, anaa na sa si Eala sa No. 75 gikan sa kanhi rank 140 adiser nagsugod ang Miami Open.
Nagpasabot kining mamahimong makasulod na ang Pinay star sa top 104 kung masugdan na unya ang seeding process alang sa sunod nga tulo ka grand slam karon nga season.
Sayrang magsugod kini sa French Open karong bulan sa Mayo. Sa kinatiibuk-an usab sa Miami Open, nahimo ni Eala nga ipatumba ang upat ka mga Top 25 players sa WTA ranking. Tulo niini kay mga Grand Slam champion.
