P13K nga ‘shabu,’ nakumpiska sa operasyon sa Butuan City

BUTUAN CITY – Nagkantidad og P13,600.00 ang 2-gramos nga suspected shabu nga nakumpiska sa gipahigayong anti-illegal drug operation kaganinang ala-1:30 sa kaadlawon sa P-20, Quarry Site, Brgy.Tungao, Butuan City.

Kini human nakuha gikan sa posisyon ni Jonnef Cutanda alias Joy, usa ka Street Level Individual (SLI), residente sa maong dapit, ang 12 ka transparent plastic sachets sa gidudahang shabu.

Gihimo ang operasyon sa mga sakop sa Butuan City Police Station-5 Drug Enforcement Unit uban sa Philippine Drug Enforcement Agency kon PDEA-Agusan del Norte Provincial Office bitbit ang search warrant. Gikostudiya na sa Butuan City Police Station 5 ang dinakpan alang sa tukmang disposisyon.