BUTUAN CITY – Nasusi na ni Department of Environment and Natural Resources kon DENR Assistant Secretary Michelle Go ang 401,00 board feet nga mga ginabas nga kahoy nga idonar sa DENR-Caraga ngadto sa Marawi City alang sa pagpabangon sa maong siyudad.
Gikumpirma kini ni regional executive director Charlie Fabre dungan sa pagbutyag nga gibana-banang nagkantidad ang maong mga kahoy og 12-milyunes pesos kondiin sa maong gidaghanon, 100,000-board feet una ang unang ipadala.
Atua sila karon sa Cagayan de Oro City aron tan-awon kung asa ideposito ang nakumpiskang mga kahoy sa ingon masugdan na ang delivery niini padulong ngadto sa Marawi City.
Gidugang sa opisyal nga sa mukabat sa 1.7-million board feet nga kahoy ang ilang gi-inspeksyon, 401,00 board feet pa lang sa mga nasusi ang mipasar nga idonar samtang ang uban, nagpadayon pa ang administrative proceedings hinungdan nga duna pa’y tsansa ang mga tag-iya sa pag-claim niini kung duna’y mga papeles nga ikapakita.
Apil sa sutaon sa tigom sa Cagayan de Oro City ang kargahan sa maong mga kahoy gikan sa lungsod sa Nasipit, padulong sa Cagayan de Oro City ilabina ang sakyanan nga gamiton padulong sa Marawi City. (Beth Ruiz)
