BUTUAN CITY- Mingsibog na sa Kamara de Representantes ang imbestigasyon kalabot sa anomalosomh pagpalit sa Department of Health (DOH) og mga Mobile Primary Care Facilities (MPCF) human kini pormal nga gisupotahan sa dakong bloke sa National Unity Party (NUP).
Gidapigan sa NUP ang nahimong panawagan ni Quezon City 3rd District Rep. Franz Pumaren nga ipa-ubos sa usa ka legislative inquiry ang ahensya.
Target nga iduso sa hearing ang nahimong sistema sa procurement, oversight, ug ang mismong pagpatuman sa bilyones pisos nga programa sa ahensya.
Gipasi-ugda usab ni NUP Chairperson ug Deputy Speaker Ronaldo Puno nga dili kinahanglang palabyon ang isyu ug kinahanglan kining utingkayon tungod buwis sa katawhan ang gigamit niini.
Sumala ni Puno, ming-abot sa P1.8 bilyon ang public funds kansa gi-gahin alang sa proyekto, hinungdan nga hugot niining gi-obliga sa DOH nga maghatag og katin-awan ug detlayadong pagklaro sa Kongreso.
Ang aksyon sa mga magbabalod ming-ugat human gipasakahan og pormal nga reklamo sa Office of the Ombudsman ang pipilaka high officials sa DOH.
Lakip sa mga nag-unang gipsakahan mao si Health Secretary Teodoro Herbosa, kinsa gilambigit karun sa isyu sa daw bid rigging ug uban pang iregularidad sa kinatibuk-ang procurement process sa mga nasangpit nga mobile clinics.
