BUTUAN CITY – Gianunsyo sa girl group nga BINI nga duna matud pa silay himoon nga world tour karong umalabot nga 2025 kansa tawagon usab nga “BINIverse”.
Sugdan ang maong konsyerto sa Pebrero 15 sa Philippine Arena ug human niini, himoon na usab ang ilahang konsyerto sa laing nasod. Pipila sa mga nahisgutang nasod ang Singapore, Dubai, London ug US. Dugang sa maong grupo nga daghan pang mga nasod ang ilahang ngadtuan, kansa ianunsyo nila karong sunod pang semana.
Kahibaloang nagmalampuson ang maong grupo sa gihimo niining konsyerto sa Araneta Coliseum. Kahibaloang ang maong grupo ra ang bugtong Pinoy girl group nga nakasulod sa Grammy Awards ug usa sa napiling “12 Rising Girl Groups To Know Now”. Pipila sa mga patok niining kanta ang “Salamin”, “Pantropiko” ug daghan pang uban.
