BUTUAN CITY – Gitudlo ni Pangulong Ferdinand Marcos Jr si Department of Migrant Workers kon DMW Undersecretary Patricia Yvonne Caunan isip bag-ong administradot sa Overseas Workers Welfare Administration kon OWWA hulip kang Arnaldo ‘ Arnell’ Ignacio.
Sigon ni DMW Secretary Hans Leo Cacdac, wala muluwat sa iyang katungdanan si Ignacio kondili gitangtang kini mismo ni Pangulong Marcos.
Kini human nabulgar nga misulod matud pa si Ignacio sa usa ka anumalusong transaksyon sama sa pagpalit og yuta nga nagkantidad og ₱14,000,000.00 niadtong Septembre ning mi-aging tuig kansa dili aprubado sa OWWA Board.
Nasuta nga niadto pang tuig 2023 napalit ang yuta ug migawas lang ang deed of absolute sale ning mi-aging tuig. Gi-andam na usab ang kasong ipasaka batuk kang Ignacio
