BUTUAN CITY – Giklaro ni Office of the Vice President kon OVP spokesperson Atty. Ruth Castelo nga wala na siyay koneksyon sa iyang kanhing kliyente nga si Charlie ‘Atong’ Ang, kansa usa ka gambling tycoon nga nalambigit sa kontrobersyal nga pagkawala ug pagpatay sa 34 ka mga sabungero.
Sigon ni Castelo, nahimo siyang abogado ni Ang gikan sa tuig 2007 hangtud sa tuig 2009 sa panahong nag-atubang kini og kasong plunder kalabot sa jueteng scandal sa kanhi Presidente Joseph Estrada. Giangkon niini nga parte siya sa legal team nga mitabang pagpagawas kang Ang niadtong tuig 2009, human nahatagan og probisyon.
Kahinumduman, nga nalambigit ang pangalan ni Atong Ang tungod sa gi-ingong pagkidnap ug pagpatay sa mga sabungerong kataposang nakit-an sa iyang arena sa sabong sa Lucky 8 Star Quest. Gilambigit ang maong insidente sa gi-ingong game fixing.
