BUTUAN CITY – Nakaplagang nadugta na ang patay’ng lawas sa overseas Filipino worker sa Kuwait, nga na-missing sulod sa duha ka bulan, sulod sa pinuy-anan sa usa ka Kuwaiti citizen.
Sigon ni Foreign Affairs Undersecretary Eduardo de Vega nga base sa pagpangutana sa kapulisan migawas nga duha ka bulan nang gipatay ang maong OFW.
Ang maong balita gi-anunsiyo na sa publiko. Lakip sa gi-anunsiyo nga posibleng kasuhan sa public prosecutors ang magtiayon tungod sa pagtago sa maong kremin diin ang patay’ng lawas sa biktima nakita nalang sa garden sa magti-ayon diha sa Saad Al-Abdullah, Jahra.
Nasayran nga ang magtiayon ang mipasurender mismo sa suspek nga igsoon ra sa niini. Gikutay karun sa embahada ang pamilya sa namatay nga domestic worker.
Nasayrang natultulan ang patay’ng lawas human mismong ang igsoon sa suspek ang misumbong sa otoridad.
