BUTUAN CITY – Subling gipildi sa gibansagang ‘Dragon Slayer’ nga si Dinagat Islands si outgoing Congresswoman Arlene “Kaka” Bag-ao sa Liberal Party ang impluwensyadong si Vice Governor Benglen Ecleo sa PDP Laban sa gi-ilugan nilang gubernatorial race.
Kini human na-angkon ni Kaka ang 29,869 votes samtang 26,843 votes usab ang nakuha ni Ecleo.
Dungan nga gi-proclaim ni Kaka ang iyang mga ka-alyadong midaug usab pagka-board members nga sila Anna Lyn Dialde kinsa number 3 sa Distrito Uno ug Noli Abis nga nakakuha nga number 4 sa Distrito Dos.
Mahinumdumang gibansagang dragon slayer si Bag-ao tungod sa pagpildi niya sa mga higanteng Ecleo politicians kinsa pila ka tuig nga nagdumala sa ilang lalawigan.
Una niini niadtong tuig 2010 dihang midaug siya pagka-kongresista batok kang Gwendolyn Ecleo, nga gisundan niadtong 2013 dihang giparot niini si Geraldine Jade Ecleo sa lone district sa Dinagat Islands samtang si Governor Glenda Ecleo kinsa wala na niya makaharong sa pulitika tungod kay last termer na sa pagka-gobernador.
