BUTUAN CITY – Mi-ani og mga negatibong komento ang post sa usa ka Agusanon nga nadismaya sa pagkamatay sa iyang lola human nga wala gi-atiman sa doctor-on-duty sa DO Plaza Memorial Hospital sa Brgy. Patin-ay, Prosperidad, Agusan del Sur.
Sa maong post, gisaysay si Joyce Apolinaria, residente sa Bayugan City sa maong lalawigan nga gidala sa iyang inahan ang iyang lola sa maong ospital tungod kay maglisod na kini og ginhawa tungod sa ubo.
Wala na matud pa’y bakanteng katre rason nga base sa sugyot sa usa ka staff nga mamahiming ipahigda na lang sa folding bed ang iyang lola, rason nga gipadala og folding bed ang iyang ig-agaw. Gikatingala sa wala mailang hospital staff ang wala pa pagbalhin sa iyang lola ngadto sa folding bed gikan sa ambulansya.
Tungod niini, gikuha gilayon sa iyang maguwang nga lalaki ug sa driver sa ambulansya ang iyang lola ug gibalhin sa stretcher aron ma-atiman apan giduol siya sa suko matud pa kaayong si Dr. Montojo dayong pangutana kung kinsa ang nagsugo kanilang ipakanaog ang iyang lola rason nga ila kining gibalik sa ambulansya ug gi-uli sa ilang balay hangtud nga namatay.
