BUTUAN CITY – Target karon sa Office of the Solicitor General nga magpasaka og quo warranto petition kontra kang suspended Bamban, Tarlac Mayor Alice Guosa dili pa man matapos ang bulan sa Hulyo.
Paggklaro pa Solicitor General Menardo Guevarra, anaa na sila sa proseso sa pag-incorporate ug pag-consolidate sa mga bag-ong ebidensiya nga nadiskubre gikan sa imbestigasyon sa Senado kalabot na sa ilegal nga operasyon sa Philippine Offshore Gaming Operators kon (POGOs) sa Bamban, Tarlac.
Una nang gikataho sa Office of the Solicitor General nga maghaon sila og quo warranto case kontra kang Guo sa labing daling panahon human gikumperma sa National Bureau of Investigation nga tugma matud pa ang fingerprints sa suspendidong Mayor ingon man sa Chinese passport holder nga si Guo Hua Ping kansa pamatuod gna usa lamang sila ka tawo.
Naghaon na usab ang OSG og petisyon para kanselahon ang birth certificate ni Guo tungod kay pakyas kining maka pasa og legal requirements para sa late registration.
Samtang, gikataho usab ni Comelec chairperson George Erwin Garcia nga mas makatabang sa OSG ang findings sa poll body sa gikatakdang pagbisita sa Bamban karong hwebes arun makuha ang mga dokumento para sa kaso ni Guo lakip na ang election day computerized voters list nga dunay detalye sa mga botanteng namutar, lakip sa ilang mga fingerprints.
Gihimo ang maong pamahayag atul sa pagperma sa memorandum of agreement tali sa Commission on Elections, National Amnesty Commission, ingon man sa Presidential Task Force on Media Security sa Palacio del Gobernador sa Intramuros, Maynila karong adlawa, Martes.
